الحساب المطلوب
الحساب المطلوب
السيد سعيد الصافي
كَوم جرّد سيفك من اكَرابــــــــــه
وخل يصفي اويه الأشرار احسابه
***
كَوم شمتاني بعد يبن الرســــــول
بعد لا معروف لا ظلّت أصـــــول
خلّي سيفك بيهم يصول ويجـــول
دين جدك طــــاح بيــن اذيابـــــــه
***
وللغري اكَصد من تودع كربلـــه
واوكَف ابكَبر الوصي عقد الــــوله
وصيح خل صوتك يسمعونه المله
ليش صبغوا بالدمـــه محرابـــه
***
ذبلت امن الدمع يا المهدي الجفون
يامصاب الينّسه وثار اليهــــون
دكَصد الكَبر المعذب بالسجـــون
اهناك خل كَلبك يطول اعتابـــــه
***
وكَصد السامرّه يبن المرتضــــه وعن
علي الهادي انشد البالسم كَضه
واعتني اخريسان وانشد عالرّضه
حان وقت الثــــارياطلاّبــــــــه
***
كَوم يبن الحسن ملّينه الصــــــبر
يبن غربه وضيم كَضّينه العمـــر
جم أبو وجم والده اللي تنتظـــــر
ايعود ابنها الغايب امن اغيابــــه
***
وجم ابن ماشاف من الأب حنان
وجم سجين ايصيح مولانا الأمان
طال يوم الوعد يامهدي الزمان
كَوم نشف ادموعنه السجّابـــــــه
***
: 
: 
: 
: 