محطات العمر
محطات العمر
جابر الكاظمي
محطات العمر خلصت
واحنه اردود سافرنه ابحلم وردي
واظن خلصت مسافات العمر كلها
وحادينه ابعزم يحدي
وين تريد يا حادي العشـكَك لاوين
لن الحادي جاوبني أريد آخذ رسالة عتب للمهدي
حصدنه وحصدت الدنيه انيسان
واحنه نحصد البردي
عافتنه الليالي بأول المعبار
واحنه ابطرﮔك آمال وجرح يدي
العتب شيجيب شيودي
الغيم الماتجيسه شهـﮕـة المعصار
لتصدﮔك عليك ابمطرته ايندي
ايهداك الله يحادي النوﮔك
عوف السفر كلها لنوﮔك اتهدي
وين تريد بالمهدي
لون تطوي الأرض كلها فلا تلـكه أثر منّه
ولونك ناشدتني ابياكتر ألكاه
اكلك هالخبر عندي
تعال اتوﭼّـه بضلوعي وهرش جبدي
واكسر باب كلبي وفوت
تلكه بوسط كلبي ساكن المهدي
: 
: 
: 
: 