گوم الثارك لا تتأخر

گوم الثارك لا تتأخر

گوم الثارك لا تتأخر

يالغايب صمصامك سله

اعلينه اغيابك أعظم خله

راعي العز ما يحمل ذله

صابر ما ندري اشينطر

گوم الثارك لا تتأخر

ما ندري اشنيتك وشرادك

للميعاد ايظل ميعادك

يا الغايب لا تنسه أجدادك

ومن اظهورك لا تتعذر

گوم الثارك لا تتأخر

وإنته اشلون ابهاي الغيبه

تتحمل يا راعي الهيبه

من اعداك امصيبه اعله امصيبه

ولا تنهض يا ظنوة حيدر

گوم الثارك لا تتأخر

يا اللي تعلم باطن ظاهر

ما ندري اليمته اتظل صابر

بجدادك ما تدري اشصاير

چا ليش امعطل ما تظهر

گوم الثارك لا تتأخر